Директорот на „Државни патишта“: Мора да ангажираме приватни компании, зошто „Македонија пат“ не ги дава потребните услуги
Ејуп Рустеми, директорот на Јавното претпријатие „Државни патишта“ во синоќешната емиисја на Клан Македонија рече дека поранешен „Македонија пат“ не си ја врши работата како што треба, па затоа бил принуден да ангажира приватни компании за одржување на главните сообраќајници.
Во последно време „Државни патишта“ склучи неколку тендери за одрѓување на автопатите и магистралните патишта, а највпечатливиот од нив е договорот со непознатата фирма од кичевско – Мирсад комерц, ангажирана за косењето трева околу државните автопати за 2,4 милиони евра. Рустеми рече дека приватните компании кои се ангажирани да ја вршат работата наместо тоа да го прави Јавното претпријатие за одржување и заштита на магистралните и регионалните патишта, ќе започнат со работа од денес и резултатите ќе бидат веднаш видливи.
Според првиот човек на ЈПДП, одржувањето на автопатите не е на вистинско ниво и тоа влијае на безбедноста во сообраќајот.Според него, на граѓаните им требаат подобри услуги и побезбедни и уредени патишта бидејќи самите ги плаќаат трошоците преку патарините. За таа цел, според Рустем, претпријатието што го предводи ангажирало и други приватни фирми преку јавни набавки.
„Факт е дека државните патишта не се одржуваат. Сакам повторно да се видиме и да излеземе заедно да видиме како сега ќе се одвива одржувањето на патиштата“, изјави Рустеми во Клан дебата.
Инаку задачата на Мирсад комерц за 2,4 милиони евра е „косење на трева, плевел, грмушки, кастрење на гранки и сечење на дрва во патен појас, чистење и собирање на смет во времетраење од 2 години, за потребите на ЈП Државни патишта“.
