Директорот Арсовски се стекна со уште 586 акции во ТТК банка
Претседателот на УО и Генерален директор на ТТК банка, проф. д-р. Драгољуб Арсовски, во период од последните 30 календарски дена се стекна со дополнителни 586 обични акции издадени од тетовската банка.
Известувањето од ТТК доаѓа преку објавената ценовно чувствителна информација на Берзата, согласно Глава 6 од Правилата за котација.
Арсовски, со реизбори, успешно ја менаџира Банката петнаесеттина години. А, со повременото купување акции, според правилата во деловниот свет, укажува на нејзината стабилност. Оттаму, тетовски Тетекс, доминантниот соптвеник на ТТК, во остварувањето на приходите најмногу се потпира на банкарската дејност, покажуваат годишните извештаи од неговото работење.
Кога раководни лица купуваат акции на одредена компанија или банка, тоа значи дека тие имаат доверба во нејзиното работење, а тоа е и патоказ за инвеститорите дека менаџментот верува во бизнисот со кој управува.
Инаку, доминантен сопственик на ТТК Банка е тетовскиот комбинат Тетекс, кој поседува 41,53 отсто од акциите на ТТК Банка, и всушност ТТК Банка е главната „златна кокошка“ во работењето на Тетекс, која носи значаен дел од приходите и од профитот на некогашниот текстилен гигант, кој, пак, се откажа од оваа долги години основна дејност.
