ДИРЕКТОР КУПИ 400 АКЦИИ ОД КОМПАНИЈАТА СО КОЈА РАКОВОДИ – мали сопственички промени во „Аутомакедонија“
Директорот на „Аутомакедонија“, Игор Илиевски, купил 400 акции од компанијата со која раководи.
За тоа инвеститорската јавност ја извести самата „Аутомакедонија“ преку Македонската берза за долгорточни хартии од вредност.
Беше објавена ценовно чувствителна информација за промена на сопственоста на член на Управниот однбор на компанијата, а со која јавноста се известува дека Илиевски со овие 400 акции се стекнал во текот на изминатиот период.
„Известуваме дека Членот на Управниот одбор и Генерален Директор на Аутомакедонија АД, г-дин Игор Илиевски, во изминатиот период се стекна со 400 акции од издавачот Аутомакедонија АД Скопје“, се вели во објавата од компанијата.
Игор Илиевски е именуван за генерален директор на „Аутомакедонија“ во ноември 2020 година.
Во моментов најголем акционер на „Аутомакедонија“ е Иванка Мојсова, која поседува 22,48 отстоод акциите, потоа следува Милан Ивановски, кој располага со 17,99 отсто од акционерскиот капитал, а Драгана, Јане и Кирило Јаневски поседуваат по 6,78 отсто од капиталот на „Аутомакедонија“, додека, пак, и самото акционерско друштво поседува 6,03 проценти од акциите.
Н.Н.Ф.
