Димитриеска -Кочоска: Институциите немаат соодветен квалитет да следат намалување на трговски маржи

Министерката за финансии Гордана Димитриеска-Кочоска додека учествува на Есенските средби на ММФ и Светската банка во Вашингтон во денешното интервју за „Гласот на Америка“ го повтори ставот дека институциите, како што рече, го немаат соодветниот квалитет за правилно да ја следат примената на мерките како намалување на профитните маржи на основните прехранбени производи во трговијата

„За да можам да го одговорам ова прашање треба да имаме бруто-биланси. Јас сум човек кој доаѓа од фелата кој што е стручен, за да зборуваме за замрзнување на цените треба да ги погледнеме бруто-билансите. Имајќи предвид каква е состојбата во институции и во државата, и со каков кадар располагаме, не се институции со соодветно ниво на квалитет. Кога ќе бидат може да зборуваме за вакво нешто. Еве на пример да се оди со некој вид на попуст, на одредени производи. Ќе направиме одредена математика, поедноставна е методологијата“, вели министерката.

Димитриеска-Кочоска на едно од прашањата рече дека Македонија доколку не се задолжеше со унгарскиот кредит по камата од 3,25 отсто, единствена алтернатива ќе ја имаше еврообврзницата, која би била со камаат од над 6 отсто.

Според прогнозите на Светска банка, Македонија тѕрета година по ред ќе има најмал економски раст во регионот, но министерката очекува тој догодина да биде над 3 отсто.