ДХЛ – ГЕРМАНИЈА БЕЛЕЖИ ЦРНИ ДЕНОВИ: Забележа пада од 23,9 отсто
Германскиот гигант за логистика и испорака DHL има нето добивка во вториот квартал од 744 милиони евра (802 милиони долари), што е пад од 23,9 отсто во споредба со пред една година.
Забавувањето на глобалната економија е причина за намалената побарувачка.
„Воздушниот и океанскиот товарен волумен дополнително се подобри во вториот квартал од ниските првични нивоа. Сепак, сè уште не гледаме опоравување на широка основа на глобалната трговија“, рече главниот финансиски директор Мелани Крајс, пишува Seebiz.
Оперативната добивка беше под минатогодишното ниво од 1,35 милијарди евра наспроти 1,7 милијарди евра.
Приходите во вториот квартал изнесуваат 20,64 милијарди евра, што е зголемување од 2,7 отсто.
Групацијата DHL ја потврди својата прогноза за фискалната 2024 година. Таа предвидува EBIT помеѓу шест и 6,6 милијарди евра.
За среднорочната прогноза за 2026 година, Групацијата сепак очекува оперативна добивка меѓу 7,5 и 8,5 милијарди евра.
„Благодарение на нашето единствено логистичко портфолио, ние сме добро подготвени кога глобалната трговија повторно ќе заживее“, рече Крајс.
