ДЕВОЈЧЕТО КОЕ БЕШЕ ВРЗАНО ВО КАДА СЕ ПОДГОТВУВА ЗА УЧИЛИШТЕ: Сместена е во згрижувачко семејство

Министерката за семејна грижа и демографија на соседна Србија, Дарија Кисиќ објави фотографии од посетата на девојчето Љ.П. и згрижувачкото семејство, во таа е сместена од средината на јуни, по закрепнувањето во здравствена установа и по тешкото запоставување што го доживеа од родителите.

Да потсетиме, станува збор за девојче пронајдено во текот на април во стан во Мириево, во када, во многу лоша здравствена состојба, неухрането, во темница. Се испоставило дека таткото Урош, кој во меѓувреме е уапсен, бил зависник од дрога и алкохол и бил во притвор пет години. Детето не беше видливо за системот, не било носено на систематски прегледи, ниту пак посетувала училиште.

– Девојчето од Мириево закрепна, напредува според очекувањата на стручњаците кои го следат нејзиниот развој, а во згрижувачкото семејство кое од 2004 година се занимава со оваа хумана работа, обезбедени се сите услови за нејзин понатамошен раст. Девојчето се подготвува да оди на училиште, а на приемните тестови покажала исклучителни резултати – велат од Министерството.

Министерката укажа на големото значење на згрижувачките семејства за децата без родителска грижа.

– Срцето ми е полно што девојчето закрепна и дека наскоро ќе седне на клупа со другарките, ќе се дружи, игра, учи и ќе има безгрижно детство како што треба да има секое дете. Тоа е најважната победа – рече Кисиќ и им се заблагодари на згрижувачките родители кои на девојчето му пружиле љубов, внимание, безбедност и топлина во домот, што дополнително и помогнало брзо да се опорави од тешките моменти низ кои поминала.

– Им благодариме на сите згрижувачки семејства кои на овие деца им ја даваат потребната љубов за да продолжат да живеат и да бидат среќни. Чувството на семејна средина е навистина од големо значење за нивниот понатамошен развој. Таа поддршка и сигурност им значи се на овие деца во многу тешките моменти низ кои минуваат – дополни таа.

Инаку, поведена е постапка против таткото на девојчето, кој го држел детето затворено во ужасни услови, а се товари за кривично дело семејно насилство, како и злоупотреба и тортура. Мајката на девојчето со претходна судска одлука делумно била лишена од родителска грижа.

Фото: Министерство за грижа за семејство и демографија на Србија

Извор: Новости.рс