Девет во низа: Аталанта го преслуша и Милан за прво место на табелата (ВИДЕО)

Последниот неуспех на тимот од Бергамо датира од крајот на септември кога ремизираше со Болоња и оттогаш освои максимални 27 бода на девет меча. Со вечерашните три се искачи на првото место на табелата, макар привремено бидејќи Наполи својот меч против Лацио го игра в недела.

Интересно е тоа што двата гола вечерва Аталанта ги постигна со глава. Првиот беше дело на Де Кетеларе на асистенција на Де Рон во 12. минута, а вториот, победнички, го постигна Локман на три минути пред крајот. Во меѓувреме, на средина од првото полувреме Мората израмни по одличната акција на Мората, но „росонерите“ во вториот дел се повлекоа, се задоволија со бод и на крајот беа казнети за тоа.

Сега Милан има огромни 12 бода негатива во однос на Аталанта со натпревар помалку, а во последните четири кола оствари само една победа.