Детали за хаосот во Романија! Навивачите скандирале „Косово е Србија“ и покажаа транспарент со истата порака
Познати се нови детали од големиот скандал на квалификацискиот натпревар за Европското првенство во Германија во 2024 година, откако беше прекинат натпреварот помеѓу селекцијата на Романија и Косово.
Романија не го признава Косово, па веднаш по ждрепката беше јасно дека може да има проблеми. За време на натпреварот од шестото квалификациско коло, романските навивачи скандираа „Косово е Србија“ и покажаа транспарент со истата порака, што предизвика реакција кај фудбалерите.
Демонстративно го напуштија теренот, мечот беше прекинат, но на крајот сепак Романците победија со 2:0 по пауза од 45 минути.
Инаку, Романците за време на интонирањето на државната химна скандираа „Србија, Србија“ и „Косово е Србија“, потоа развирија транспарент, а играчите на таканареченото Косово „се подигнаа“ и го напуштија теренот во 22 минута.
Официјалниот спикер на стадионот се обидел да ги смири навивачите, но како што пренесуваат медиумите не му било дозволено да каже „Србија“.
– Ве молам, престанете да го скандирате името на нашите соседи (Србија) УЕФА не толерира ревизионизам! Ова е последното предупредување! Вложуваме големи напори да ја продолжиме играта. Ако продолжите да го скандирате тоа, дефинитивно ќе биде прекинато – најавувачот неколку пати се обиде да ги смири фановите, но тие не ги послушаа.
Натпреварот продолжи по пауза од 45 минути, но следеше нов инцидент, судир меѓу играчите на двата тима, а од трибините уште еднаш се слушна „Косово е Србија“. По натпреварот романските специјалци ги опколија ултрасите кои навиваа „Косово е Србија“. Инаку, медиумите во Романија потсетуваат дека на натпреварот во Приштина навивачите на Косово беа непријателски настроени кон гостите, ја исвиркаа романската химна, па сега им вратија.
