ДЕСЕТ ДРЖАВИ ЈА НАДМИНАА ГРЦИЈА: Од Грците во ЕУ се посиромашни само Бугарите

Нашите соседи Грците сега и официјално се втори најсиромашни во Европa. 

Најновите податоци на ОЕЦД, покажуваат дека реалните плати постојано паѓаат до 2022 година и сега се за 30 отсто послаби од нивото пред кризата.

Грција често се споредува со Бугарија според куповната моќ, пренесува Investor. Додека порастот на грчката економија малку го подигна животниот стандард во споредба со просекот на ЕУ, ова подобрување е минимално. Тоа не ја подигна Грција од позицијата на најсиромашна земја во еврозоната, пишува „Грик репортер“.

До 2009 година, БДП по глава на жител на Грција беше блиску до просекот на ЕУ. Сепак, оттогаш 10 држави ја надминаа Грција во однос на животниот стандард. Грците сега се втори најсиромашни во Европа, само Бугарија заостанува.

Во 2023 година грчката економија порасна за 2 отсто, но сиромаштијата не се намали.

Според ЕЛСТАТ, 26,1 отсто од грчките мажи и жени биле изложени на ризик од сиромаштија или социјална исклученост во 2023 година. Тоа е околу 2.658.400 луѓе. Стапката на сиромаштија во 2022 година изнесуваше 26,3 отсто.