Денеска гласаат за недоверба на владата во Франција
Во францускиот парламент гласаат за недоверба на владата. Тоа доаѓа во време на тековните протести во земјата.
Политичките партии кои се противат на планот за пензиски реформи на француската влада поднесоа гласање во парламентот минатата недела.
Ова дојде откако премиерката Елизабет Борн ги искористи специјалните уставни овластувања за да ги протурка реформите без одобрение од Националното собрание. Прогнозите се дека гласањето нема да помине, т.е. Владата нема да биде принудена да се повлече.
Викендов протестите и штрајковите против пензиските реформи беа најсериозните од оние на движењето жолти елеци пред 4 години.
