Денеска до 26 степени, еве каков викенд не очекува…
Денеска во централна, северозападна, западна и југозападна Европа ќе преовладува умерено облачно и нестабилно време со врнежи од дожд и грмотевици кои што ќе бидат проследени со засилен ветер. Врнежи од дожд се очекуваат и на север од Апенинскиот полуостров. Во останатите предели од Европа ќе преовладува претежно сончево време со појава на локална облачност и топло време.
БАЛКАН – На Балканскиот полуостров ќе преовладува претежно сончево време со појава на локална облачност и надпросечно топло време за овој период од годината. Локално во Словенија и Босна и Херцеговина нестабилно време со врнежи од дожд. Максималните дневни температури ќе се движат од 22 до 30 степени.
МАКЕДОНИЈА – Во Македонија ќе преовладува претежно сончево време со појава на локална облачност, ветровито и топло време. Ќе дува засилен југозападен и југоисточен ветер кој што ќе достигне брзина и до 20 км/ч. Минималната температура од 4 до 12 степени, додека пак максималната дневна ќе достигне до 19 односно до 26 степени.
МАКЕДОНИЈА 5 ДЕНА – Во сабота во Македонија ќе преовладува умерено облачно време со сончеви периоди, ветровито и топло време. Во попладневните часови во крајните западните и северозападни предели со услови за слаб локален дожд.
Минималната температура од 4 до 12 степени, додека пак дневната ќе достигне до 19 односно до 26 степени. Во недела и понеделник претежно сончево време со појава на локална облачност и топло време. Минималните температури од 6 до 14 односно од 7 до 15 степени, додека пак максималните дневни температури ќе достигнат од 20 до 27 степени. Во вторник во Македонија ќе преовладува претежно сончево време со локална облачност и топло време со дневни температури од 20 до 27 степени.
