Денеска до 16 степени, а утре до 19 – од понеделник доаѓа голема промена!
Во сабота во северозападна, западна и југозападна Европа ќе преовладува умерено облачно и нестабилно време со пообилни врнежи од дожд кои што ќе бидат проследени со засилен ветер. Слаби и локални врнежи од дожд се очекуваат и на Апенинскиот и Балканскиот полуостров. Во областа на Алпите со врнежи од снег. Во останатите предели од Европа ќе преовладува стабилно време со сончеви периоди.
БАЛКАН – На Балканскиот полуостров ќе преовладува умерено облачно време со сончеви периоди и топло време. Во северните и приморските предели долж Јадранот нестабилно време со врнежи од дожд. Максималните дневни температури ќе се движат во интервал од 8 до 15 степени.
МАКЕДОНИЈА – Во Македонија во сабота посвежо утро со пад на утринските температури кои што ќе се движат во интервал од -4 до 5 степени. Во текот на денот ќе преовладува умерено облачно време со сончеви периоди, ветровито и топло време со дневни температури кои што се над повеќегодишниот просек за овој период од годината. Ќе дува доумерен југоисточен и југозападен ветер. Максималните дневни температури во Македонија утре ќе достигнат до 6 односно до 16 степени.
МАКЕДОНИЈА 5 ДЕНА – Во недела во Македонија ќе преовладува умерено облачно време со сончеви периоди и топло време. Минималните температури од -1 до 8 степени, додека пак максималните дневни температури ќе достигнат од 9 до 19 степени. Во понеделник умерено облачно време со сончеви периоди, во попладневните и во вечерните часови нестабилно време со врнежи од дожд. Локално се очекуваат до 15 литри. Утринските температури од 0 до 9 степени, додека пак дневната од 10 до 20 степени. Во вторник облачно време со пообилни врнежи од дожд и посвежо време со пад на дневните температури. Над 1500 метри со врнежи од снег. Минималните температури од 0 до 9 степени, додека пак дневната од 6 до 16 степени. Во Македонија во среда ќе преовладува умерено облачно и нестабилно време со слаби врнежи од дожд и топло време. Над 1500 метри ќе провејува слаб снег. Утринските температури од -1 до 8 степени, додека пак дневните од 7 до 17 степени.
