Ден 447 од војната: Летаат проектили, ветувања за воена помош, наводи за мито од 3 милиони долари
Украинскиот главен град Киев беше подложен на едно од најмасовните гранатирања со ракети и беспилотни летала од почетокот на војната. Најмалку три лица се повредени. Моментот се совпаѓа со враќањето на претседателот Володимир Зеленски од неговата европска турнеја.
Руски беспилотни летала и балистички ракети рано изутрината го нападнаа Киев. Нападот е осми против главниот град од почетокот на месецот. Станува збор за беспилотни летала, крстосувачки ракети и можеби балистички ракети испукани „истовремено од различни правци“. Живата област Соломјански во Киев, каде што се наоѓа меѓународниот аеродром, претрпе најголема штета, бидејќи избувна пожар во нестанбена зграда.
Украина соопшти дека биле соборени 18 проектили, а снимките на социјалните мрежи покажуваат дека воздушната одбрана ги уништува ракетите над градот.
Градоначалникот на Киев, Виталиј Кличко, извести дека три лица се повредени во Соломјански, а остатоци од ракети паднале во предградието Оболонск. Видеото на социјалната мрежа ги прикажува киевските населби без струја.
Друг напад врз Киев се совпаѓа со враќањето на претседателот Володимир Зеленски од неговата европска турнеја и наведеното надополнување на неговиот воен арсенал. Зеленски ги посети Италија, Германија, Франција и Велика Британија, продлабочувајќи го воениот договор меѓу Западот и Украина.
Зеленски напиша дека „се враќа дома со нови одбранбени пакети“.
„Поминаа три долги дена. Се враќаме дома со нови одбранбени пакети. Повеќе ново и моќно оружје за линијата на фронтот, поголема заштита за нашиот народ од рускиот терор, поголема политичка поддршка. Имаме поголема поддршка за влезот во ЕУ. повеќе разбирање дека пристапот на Украина во НАТО е неизбежен“.
Сепак, Зеленски сè уште не успеал да добие ветување за посакуваните борбени авиони.
Тешките борби продолжуваат во регионот Бахмут.
Во меѓувреме, претседателот на Врховниот суд на Украина – Всеволод Књазев беше прогласен за виновен за примање поткуп од речиси 3 милиони долари . По тој повод денеска ќе се одржи вонреден состанок на Пленумот на Врховниот суд, соопшти највисокиот суд во Украина. Според информациите во украинските медиуми, поткупот го дале приврзаниците на милијардерот Константин Жеваго, кој беше уапсен во декември во Франција на барање на Киев во врска со наводите за проневера. Украинските служби истражуваат 18 судии од Врховниот суд кои пресудиле во корист на деловните интереси на Жеваго.
