Демократско движење: Крстот на Попова Шапка, оркестрирана провокација
Поставувањето на крстот на Попова Шапка е уште еден доказ дека постојат мрачни сили кои прават се за да го оттргнат вниманието на граѓаните, велат попладнево во испратеното соопштение од Демократско движење.
„Играњето на картата на тензија во меѓунационалните и меѓуверските односи е уште еден обид на некој да се извлече сув и чист од калта. Сепак, се надеваме многу и убедени сме дека Албанците нема да паднат во оваа оркестрирана замка за веќе познати цели. Очигледно ова е дело на очајници кои сакаат преку овој чин да освојат некакви политички поени. Демократското движење апелира до населението да биде воздржано додека не се разјасни кој всушност стои зад ова сценарио“, велат од ново-формираната партија.
Од таму додаваат: Демократското движење се надева дека и меѓународниот фактор ќе ги активира своите механизми за да ги спречи искрите кои можат да го експлодираат бурето со барут на проблематичниот Балкан.
