Делириум во Атина: Ел Каби му го донесе на Олимпијакос првиот европски трофеј (ВИДЕО)

Моментот на одлука се случи во 115. минута кога најдобриот стрелец и играч во сезоната во ова натпреварување Ел Каби ја искористи асистенцијата на Хезе и од непосредна близина ја затресе мрежата на италијанскиот тим. Претходно, во основниот дел Фиорентина беше нешто подобра и поактивна, но двете екипи имаа само по една изгледна шанса за гол.

Ситуацијата при постигнувањето на победничкиот погодок беше неколку минути проверувана во ВАР собата, но судиите не најдоа ништо спорно и голот беше признат. Неколку минути подоцна Фиорентина имаше изгледна шанса за израмнување, Иконе ја доби топката на 5-6 метри од голот, но го погоди Кармо во ногата.

Фиорентина втора година по ред губи финале во Конференциската лига откако лани беше поразена од Вест Хем со 1-2.