Деца паднале во кома откако јаделе бонбони „Харибо“
Дете паднало во кома откако изело бонбони Харибо за кои се покажало дека содржат канабис, потврди болницата „Ziekenhuisgroep Twente” во Холандија.
Станува збор за две деца – едно дете од градинка и едно од предучилишна возраст, пишува „НЛ Тајмс“.
Портпаролот на болницата изјавил дека поради заштита на приватноста, не можат да откријат повеќе детали, но нагласил дека инцидентот на почетокот не бил сфатен сериозно.
– На почетокот се шегувавме за тоа, но се покажа дека е многу посериозно отколку што мислевме – рекол портпаролот.
Според последните информации, двете деца сега се чувствуваат добро и се опоравуваат. Полицијата започнала истрага за тоа како канабисот се нашол во комерцијално достапните бонбони.
Компанијата „Харибо“ вчера објави дека „олеснителна околност“ е тоа што децата се надвор од опасност и дека соработува со надлежните органи во истрагата.
Официјалната причина за контаминацијата сè уште не е позната.
Како што беше објавено пред неколку дена, Холандската агенција за безбедност на храна и производи за широка потрошувачка (NVWA) објави дека канабис е пронајден во килограмски кеси со бонбони „Харибо“ „Hepi Kola F!ZZ), поради што тој производ е повлечен од продажба низ целата земја.
Откритието следеше по извештаите дека неколку членови на едно семејство се разболеле откако го изеле производот, објави денес „НЛ Тајмс“.
Досега се идентификувани само три кеси со бонбони контаминирани со канабис, но Харибо ја повлекува целата серија како мерка на претпазливост.
