Дали Вјоса Османи ќе прифати нови избори во северно Косово?
Косовската претседателка Вјоса Османи изјави дека косовските власти се подготвени да го разгледаат барањето на лидерите на Франција и Германија за одржување нови локални избори во четири општини на северот на Косово.
Францускиот претседател Емануел Макрон и германскиот канцелар Олаф Шолц денеска во Молдавија апелираа до Србија и Косово што поскоро да организираат нови избори на северот на Косово, со учество на Срби. Османи им кажала дека законските процедури дозволуваат одржување нови избори.
„Тоа не се прави веднаш, но има законски процедури што им овозможуваат на граѓаните да одлучат дали сакаат избори“, изјави Османи.
Османи на Твитер напиша дека разговарала со Макрон и Шолц за последните случувања на Косово и „заедничките напори за мир, безбедност и стабилност“. Макрон и Шолц денеска имаа заедничка средба со претседателот на Србија, Александар Вучиќ.
foto facebook/Vjosa Osmani
