ДАЛИ ПЛАНИРАТЕ ДА ОДИТЕ НА ПЕЧАЛБА ВО ХРВАТСКА: Пленковиќ откри за колку ќе ги зголеми платите
На владината седница во четвртокoт, премиерот на Хрватска, Андреј Пленковиќ ги коментираше новите податоци од Централниот завод за статистика, според кои просечната нето плата е 1.448 евра.
Податоците од Хрватскиот завод за статистика покажуваат дека просечната месечна нето плата кај правните лица во март изнесувала 1.448 евра, што е за 9,2 проценти повеќе номинално отколку во истиот месец минатата година, односно за 5,8 проценти повеќе реално, поради влијанието на инфлацијата, објави danica.hr.
„Така, продолжуваме кон целта за достигнување просечна нето плата од 1.600 евра до крајот на мандатот на сегашната влада“, вети Пленковиќ.
Толку треба да изнесува просечната нето плата најдоцна до мај 2028 година, кога завршува мандатот на оваа Влада. Со други зборови, планот на Пленковиќ е номинално да ја зголеми платата за околу 300 евра нето за четири години.
Многу македонски граѓани работат во Хрватска во сезоната. Станува збор за илјадници работници.
Foto: VLADA RH
