Дали новите камери низ Скопје веќе казнуваат возачи? Ова е одговорот од МВР

Во јавноста се појавија голем број на шпекулации дека ново-поставените камери низ Скопје веќе снимаат и казнуваат возачи на автомобили.

Но ова го демантираат од македонската полиција, и велат дека сега се поставуваат новите камери и се уште не се во функција.

„Новите камери кои се поставуваат во Скопје се во рамките на проектот „Безбеден град” и откако ќе бидат поставени, ќе се користат за документирање на сообраќајни прекршоци. Камерите се уште не се во функција. По завршувањето на сите потребни активности околу овој проект соодветно ќе ја известиме јавноста“, велат од МВР.