Дали новата сорта кафе ќе ја извлече Венецуела од криза?
Венецуела се надева дека новата сорта на кафе ќе ѝ помогне да излезе од кризата.
Плантажите со кафе оживеаја благодарение на новата сорта која се квалификува за етикетата за специјален вид кафе и го наоѓа својот пат до љубителите во странство. Сортата Монте Кларо, сорта Арабика ја разви Националниот институт за земјоделски истражувања (ИНИА) на Венецуела во текот на 40 години истражување. Ова го потврди агрономот Билал Ел Ајуби.
Производството на кафе во Венецуела е намалено во последните 20 години за повеќе од 60 отсто. Податоците се од здружението на фармери Федеагро. Лани се произведени само 383.000 вреќи со кафе од 60 килограми. Регионалните гиганти Бразил и Колумбија произвеле 11,08 милиони и 37,43 милиони кеси Арабика. На јулскиот натпревар во Каракас, Монте Кларо го освои првото место меѓу 186 примероци кафе од Венецуела и поширокиот регион, со оценка 90,11 од 100, што значи дека ги исполниле условите за означување на исклучителна сорта на кафе. Кафето го оценувале 26 меѓународни дегустатори од земјите производители, вклучувајќи ги Колумбија, Никарагва, САД и Перу.
Најголеми странски купувачи на венецуелско кафе се САД и Турција, покажуваат податоците на Венецуелско-американската индустриска и трговска комора и податоците од 2022 година на компанијата Импорт Џиниус, која ги регистрира царинските податоци.
Климатските промени исто го намалија родот. Претходните години мраз ги оштети насадите со кафе во земји од Јужна Америка.
Фото; Profimedia
