ДАЛИ ИМА ПАРИ ЗА ЗГОЛЕМЕНИТЕ ПЕНЗИИ: ММФ се интересира за состојбите на ПИОМ
Meѓународниот монетарен фонд(ММФ) се интересира за состојбите во ПИОМ и дали има пари за зголемените пензии.
Директорот на Фондот за пензиското и инвалидското осигурување, Никола Мемов денеска се сретнал со претставниците на мисијата на Меѓународниот монетарен фонд во Македонија, предводена од шефот на мисијата Анет Кјобе.
Мемов вели дека Фондот минатата година ја завршил во согласност со предвидените параметри, а пензиите се редовно исплаќани. Тој додал дека се прибрани повеќе пари по сите основи, а буџетскиот дефицит изнесувал 36.7 проценти и е помал, споредено со претходните години.„Претставниците на ММФ се интересираа дали во проекциите на буџетот за оваа година се предвидени доволно пари за исплата на зголемените пензии и предвиденото усогласување или тоа ќе се направи со ребалансот на буџетот во јуни. Директорот на Фондот, Мемов кажа дека зголемувањето на пензиите од 2.500 денари во март, како и усогласувањето во септември кое се очекува да биде помеѓу три и четири проценти, се предвидени во буџетот на Фондот за 2025 година“, стои во соопштението од Фондот.Шефот на Мисијата, Анет Кјобе нагласила дека разговорите во Фондот се исклучително плодни и ќе придонесат во нивните размисли за идните предлози за подобрување на ситуацијата со пензискиот систем.
