Дали Германија ќе се спаси од рецесија?

Се чини дека германската економија ќе се спаси од рецесијата од која се плашеше. 

Како што пренесува ДПА, Советот на економисти објави дека ќе има благ раст. Прогнозата е подобра од онаа на наесен, затоа што снабдувањето со енергенси е стабилно. Сега се очекува раст од 0.2 отсто, а догодина од 1.3 отсто. 

Идната година се очекува намалување на инфлацијата. Сега растот на платите ќе ги подгрее цените во малопродажба. За оваа година се очекува дека инфлацијата ќе биде 6.6 отсто, а следната година 3 отсто. Се потенцира дека Германија мора да продолжи да увезува гас од неруски извори.