ДАЧИЌ: Дали Османи зборува во името на цела Северна Македонија, македонскиот или албанскиот народ?
Шефот на српската дипломатија, Ивица Дачиќ за македонскиот колега Бујар Османи вели дека е интересно што македонскиот претседател Стево Пендаровски не бил информиран за резолуцијата за Сребреница.
Дачиќ на прашањето за изјавата на Бујар Османи, дека Македонија ќе излезе од иницијативата Отворен Балкан и дека Македонија е еден од коспонзорите на резолуцијата за геноцид во Сребреница која ќе биде гласана на 2 мај, изјави денеска дека станува збор за предизборни изјави и дека е „многу интересно што претседателот Стево Пендаровски, не бил информиран дека Северна Македонија ја поддржала резолуцијата за Сребреница“.
„Ако македонскиот претседател не знае дека Северна Македонија ќе биде коспонзор на резолуцијата за Сребреница, што можам да ви кажам следно? Само прашувам дали тој (Бујар Османи) зборува во името на цела Северна Македонија, македонскиот или албанскиот народ“, одговори Дачиќ.
Но, вицепремиерот Бојан Маричиќ и претседателот на СДСМ, Димитар Ковачевски имаат поинакво мислење од Османи за Отворен Балкан.
