Д-р Фуштиќ со реакција по повод изјавите на Пехчевски: Предлогот да си оди 12-от ден од терапијата е поради Велигденските празници, но ако тие не му значат може да остане уште два дена

Проф. д-р Стојка Нацева Фуштиќ, в.д. Медицински директор денеска се јави со реакција по повод обвинувањата од Игор Пехчевски, пациент со цистична фиброза.

Таа вели дека ова и е „благодарност од пациент“.

„Почитувани ФБ пријатели. Еве на кој начин пациентот И.П., кој на 32 годишна возраст го примив на УК за детски болести за да му се стабилизира здравствената состојба во услови кога немало место на УК за пулмологија, се заблагодарува: јас сум дрска и напад со најпогрдни зборови и колнења од неговите пријатели. Вакво нешто не сум доживеала за 30 години работа и посветеност за пациентите со ЦФ. Целиот негов револт е зошто не беше ставен во првите 12 пациенти за Кафтрио. Јас не ги одредувам приоритетите сама, туку во соработка со докторите од Клиниката за пулмологија кои се одговорни за возрасните пациенти. Предлогот да си оди 12-от ден од терапијата е поради Велигденските празници, но ако тие не му значат може да остане уште два дена.“, пишува таа.

Докторката апелира болничката соба да не се злоупотребува како подиум за комуникација со новинарите, затоа што тоа нарушува дредени принципи на болничко лекување.