ЦУК: Пожарникарите со полни раце работа и за време на викендот и сите вчерашни 19 пожари се изгаснати
Според утринските информациите од Секторот за операции и координација во Центарот за управување со кризи (ЦУК), пожари на отворено, вчера (17.09.2023 година – недела) имало вкупно 19 и сие се изгаснати од противпожарните тимови на институциите од Системот за управување со кризи (СУК).
Изгаснатите 19 пожари на отворен простор, од коишто 6 се догасени рано утрово, биле во:
– Општина Аеродром, 3, кај гробиштата во нас.Ново Лисиче (каде што горела ниска вегетација), кај с.Горно Лисиче (ниска вегетација) и покрај ул. „Вардарска“ (ниска вегетација);
– Општина Студеничани, 1, с.Осинчани (ниска вегетација и нискостеблеста шума);
– Општина Гази Баба: 1 с.Идризово (ниска вегетација, ѓубре и нискостеблеста шума);
– Општина Сарај, 2 с.Рашче (отпадоци) и кај езеро Треска (отпадоци);
– Општина Могила, 2, с.Беранци (ниска вегетација и стрниште) и с.Чарлија (ниска вегетација);
– Општина Тетово, 1, с.Ѓермо (депонија);
– Општина Теарце, 1, с.Глоџи (депонија);
– Општина Прилеп, 2, с.Ерековци (ниска вегетација и стрниште) и кај Кај фабрика Донија (ниска вегетација)
– Општина Охрид, 1, с.Буково (депонија);
– Општина Дебарца, 1, с.Песочани (ниска вегетација);
– Општина Струга, 2, с.Ново Село (ниска вегетација и стрниште) и кај с.Белица (ниска вегетација)
– Општина Струмица: 1 с.Свидовица (ниска вегетација);
– Општина Желино, 1, с.Добарце (депонија) и во
– Општина Куманово, 1, с.Долно Којнаре (каде што горела ниска вегетација и отпадоци).
Инаку, Регионалниот ЦУК Битола извести дека при пожарот во атарот с.Беранци, во Општина Могила, каде што гореле нискостеблеста вегетација и стрништа, пругата била оштетена на повеќе места. Информацијата е добиена од ТППЕ-Битола и веднаш дежурните од ЦУК ги информирале СВР-Битола и надлежните од „Железници на Република Северна Македонија транспорт АД – Скопје“. По брзата проверка на железничката пруга, од вчера попладне од 17.42 часот железничкиот сообраќај е во прекин на делницата помеѓу Битола и Прилеп, а патничкиот воз 643 е на станицата во Прилеп и не сообраќа.
ЦУК примил известување „ЖРС Македонија транспорт АД – Скопје“ дека другиот железнички (патнички и товарен) сообраќај се одвива нормално.
Центарот за управување со кризи (ЦУК), преку Единствениот број за итни случаи 112 и Секторот за операции и координација во соработка со институциите од државно и од локално ниво ги следи и ги координира активностите за гаснење на пожарите на отворено, како и решавањето на другите пријавени итни случаи во државта. Тоа во реалноста се остварува и преку информативна и комуникациска соработка и со медиумите во државата, при што медиумите покажаа голема општествена одговорност и свест за подигање на јавната свест за поголема безбедност на граѓаните и чување на природните и материјални добра во државата.
