ЦРВЕН КРСТ ЈА ЗАВРШИ ФИНАНСИСКАТА АКЦИЈА: Исплатени последните средства за настраданите од пожарот во Кочани
Црвениот крст на Македонија информираше дека на 27 февруари 2026 година е реализирана последната етапа од исплатата на финансиска помош наменета за лицата кои настрадаа во трагичниот пожар во Кочани. Со ова се заокружува процесот на директна парична поддршка, но хуманитарната мисија продолжува преку други форми на грижа.
Финалната распределба на средствата е направена строго според медицински критериуми, врз основа на листа подготвена од Комисијата на Министерството за здравство, по направената втора евалуација на здравствената состојба и текот на лекувањето на повредените.
Со реализацијата на оваа исплата, вкупниот трансфер на донирани средства од Фондот на солидарност за оваа намена достигна импресивни 164.744.901 денар.
Во насока на целосна отчетност пред јавноста и донаторите, Црвениот крст ги презема следните чекори:
Организацијата упати искрена благодарност до сите донатори кои ја покажаа својата хуманост на дело. Иако финансиската распределба е завршена, од Црвениот крст потенцираат дека не ги напуштаат настраданите.
