Црно-бела трагедија: Партизан прокоцка плус 14, плејинот сега е само – сон!
Неверојатно звучи податокот дека „црно-белите“ водеа со 14 поени разлика во третата четвртина (52-38), а во последната влегоа со +13 (59-46). Олимпијакос го отвори последниот период со 12-0 и се доближи на само -1, а нешто подоцна го комплетира пресвртот. Во клучните моменти, на играчите на Партизан им се „пресекоа“ рацете, не можеа ништо да погодат и доживеаја пораз на мечот кој мораа да го добијат.
Минатата и на почетокот од оваа сезона, последните четвртини обично му припаѓаа на Партизан и тогаш го правеше пресвртот во своја корист, а вечерва, последните десет минути ги доби Олимпијакос со 28-10.
Грчкиот шампион и идната недела ќе гостува во Белград, но кај Црвена Звезда и со победа на тој меч може да го завери пласманот во плејофот. Партизан и натаму не е без шанси за плејин бидејќи заостанува само една победа зад десеттопласираниот Анадолу Ефес, но сега повеќе ништо не зависи од него, дури и да го победи Алба и Валенсија во последните две кола.
РЕЗУЛТАТИ
Жалгирис – Олимпија Милано 87-73
Басконија – Анадолу Ефес 76-97
Баерн – Барселона 79-87
Партизан – Олимпијакос 69-74
Асвел – Монако 77-87
