Чудо во Турција: Жена и две деца се спасени од урнатините 228 часа по земјотресот
Спасувачките екипи спасија жена и две деца од урнатините во турскиот град Хатај 228 часа по разорните земјотреси што ги погодија јужните делови на Турција и Сирија.
Успешна спасувачка операција 228 часа по земјотресот извеле спасувачите, кои најпрвин ја лоцирале жената Ела и нејзините две деца, а потоа ги извлекле од под урнатините на зградата „Угур“ во областа Антакија.
Спасувачите ги предале децата и жената на екипа на Брза помош која им пружила прва помош, а потоа ги однела во болница. Брзата помош била испратена со аплауз, а насобраните спасувачи потоа почнале да се гушкаат и да си честитаат.
Два разорни земјотреси со јачина од 7,7 и 7,6 степени според Рихтеровата скала ги погодија јужните делови на Турција на 6 февруари, со епицентар во Караманмарас, а бројни спасувачки тимови ревносно работат веќе десетти ден на пребарување и спасување на луѓето затрупани во урнатините на згради.
