ЧОКОЛАДИТЕ ПОСКАПУВААТ ВО СВЕТОТ: Производителите објаснија зошто цените мора да се зголемат
За Ден на вљубените, цените на чоколадите се очекува да се зголемат за околу 10 до 20 отсто во споредба со минатата година.
„Причината е што какаото поскапи повеќе од двојно од почетокот на 2024 година“, изјави денеска Дејвид Бранч, секторски менаџер во Агро-хранливиот институт „Велс Фарго“.
Швајцарската компанија за чоколадо и кондиторски производи Линдт изјави дека 2024 година е „година предизвикувачка која се карактеризира со рекордно високи трошоци за какао и значително зголемување на цените, што ја поттикна да ги зголеми цените, со очекување дека овој тренд ќе продолжи и во 2025 година, објави Си-Ен-Ен.
Американската мултинационална кондиторска компанија „Хершис“ изјави дека купува какао речиси една година однапред, така што цените на чоколадото во продавниците за време на овој Ден на вљубените нема да бидат засегнати од најновите поскапувања на какаото.
Според Индексот на цените на производителите (PPI), трошоците за производство на чоколада се зголемени за повеќе од 167 отсто во последните две години.
Какаото во декември достигна пазарна цена од рекордни 12.646 долари за тон.
Ова првенствено се должи на лошите временски услови во Западна Африка, најважниот регион за какаото, што го отежнуваше производството на главната суровина.
