Четири лица добиле кашлица поради продорен мирис на хлор во базен во Охрид
На 19.01.2026 во 17:31 часот во СВР Охрид е пријавено дека на базен во хотел во Охрид се почувствувал продорен мирис на хлор и зголемена пареа од базенот, по што четири лица добиле силна кашлица.
Тие биле пренесени и задржани во Општата болница во Охрид и се надвор од животна опасност.
Од преземените мерки е констатирано дека настанал технички проблем во системот за циркулација на водата, по што овластена фирма извршила замена на системот.
Се преземаат мерки за целосно расчистување и документирање на настанот, по што ќе следува соодветна пријава.
