Чаушевски: Во Албанија и Црна Гора има голем број туристи кои се спасуваат од жештини, затоа им падна системот

Професорот од ФЕИТ, Антон Чаушевски, во вестите на Канал 5 рече дека електроенергетскиот систем на Албанија и Црна Гора се распаднал на еден ден затоа што овие две земји во овој период од годината покрај локалното население имаат и голем број странски туристи.

– Тоа се две земји кои во овој период имаат голем број на туристи. Тие поради невообичаено високите температури масовно ги користат климатизерите. Ако системот не е доволно јак, тогаш мтој се распаѓа. Затоа секогаш се потребни што е можно повеќе инвестиции во системот, рече енергетскиот експерт.

Вчера од 13.00 часот па до вечерта немаше струја во Албанија и Црна Гора, а беа зафатени и делови од БИХ и Хрватска.