Чарлс III: Ќе продолжам да служам најдобро што можам
Чарлс Трети рече дека ќе продолжи да служи „најдобро што може“ откако му беше дијагностициран рак. Тој рече дека е „длабоко трогнат“ од желбите на луѓето за негово закрепнување, пренесе Би-Би-Си.
75-годишниот монарх, кој стана крал во септември 2022 година по смртта на неговата мајка Елизабета Втора, беше примен на операција поради бенигна состојба на простата во јануари, но потоа му беше дијагностициран рак.
Тој ги стави во мирување сите јавни ангажмани додека се лекува, но продолжува да работи зад сцената и да одржува некои приватни состаноци.
Сопругата на Чарлс, кралицата Камила (76) и синот принцот Вилијам (41) ги презедоа повеќето должности на кралското семејство во негово отсуство.
