ЦЕНТАР НЕ ТОЛЕРИРА НЕПРОПИСНО ПАРКИРАЊЕ: Изречени 86 казни за една недела
Општина Центар продолжува со засилените контроли за воспоставување на комунален ред. Во текот на изминатата недела, комуналните инспектори и редари изрекоа вкупно 86 казни за возила паркирани на јавни и зелени површини. Од Општината информираат дека до овој момент веќе се наплатени 24 од изречените санкции.
Активностите на инспекциските служби беа најинтензивни во деловите на Дебар Маало и Градски ѕид, каде што прекршоците од овој тип се најчести. Сите возачи кои ги оставиле своите возила на недозволени места добиле известување за сторен прекршок на своите ветробрански стакла.
Согласно законските прописи, казната за овој вид прекршок изнесува 50 евра. Сепак, граѓаните имаат можност за олеснување:
Градоначалникот Горан Герасимовски упати јасен апел за почитување на редот, нагласувајќи дека целта не е само казнување, туку создавање хумана средина.
„Редот мора да се почитува, а безбедноста на пешаците и заштитата на јавниот простор се наши приоритети. Апелирам до сите граѓани да ги почитуваат законите за да имаме уредна и безбедна општина за сите“, изјави Герасимовски.
Од Општина Центар најавуваат дека засилените контроли на терен ќе продолжат со иста динамика и во наредниот период.
