ЦЕНОВНИ ШОКОВИ: Кои суровини ќе поскапат поради војната на Блискиот Исток?
Поради судирите меѓу палестинската терористичка група Хамас и Израел, светот ќе се соочи со бран поскапувања. Светска банка вели дека конфликтот на Блискиот Исток може да доведе до пораст на цените на суровините. Се зголемија и цените на земјоделските производи, соопшти денеска Светската банка.
Ризикот од ширење на војната меѓу Израел и Хамас во регионот на Блискиот Исток може да доведе до уште поголем пораст на цената на нафтата, која за три недели од таа војна се зголеми за шест отсто.
„Конфликтот на Блискиот Исток го зголемува влијанието на руската инвазија на Украина, која предизвика најголем шок на пазарот на суровини од 1970-тите“, потсети во соопштение главниот економист на Светската банка, Индермит Гил.
Има повеќе прогнози за тоа што ќе се случува. При ограничено влијание на војната, цената на нафтата може да порасне за три до 13 отсто, на 93-102 долари, во средно опасно сценарио, нафтата би можела да чини меѓу 109 и 121 долар. Во најлошото сценарио, нафтата би достигнала цена меѓу 140 и 157 долари, што би било потенцијално повисоко од историскиот максимум од 147,50 долари во 2008 година.
Кога почна војната во Украина лани на 24 февруари, во многу земји имаше инфлација која потоа се стабилизираше.
