ЦЕНИТЕ НА НЕДВИЖНОСТИТЕ ВО ЕВРОПА „ЕКСПЛОДИРАЛЕ“: Некаде становите се трипати поскапи

Помеѓу 2015 и 2024 година, цените на становите во Европската Унија се зголемија во просек за 53 oтсто, додека во некои земји дури и се зголемија за трипати.

Главните причини за ваквите скокови се повисоките трошоци за изградба, зголемените каматни стапки на станбените кредити, ограничената понуда на станови, како и зголемените купувања на недвижности како инвестиции. Унгарија е предводник во растот на цените, недвижностите таму се до трипати поскапи денес отколку пред десет години. Во Будимпешта, просечната цена на стан се движи од 250.000 до дури 1,5 милиони евра.

Зад Унгарија е Исланд, каде што цените на недвижностите се зголемија за околу 2,5 пати. Во главниот град, Рејкјавик, просечната цена на стан е околу 558.000 евра. Според Банката на Исланд, иако понудата се зголемува, а побарувачката слабее, растот на цените забавува, но цените сепак се зголемени за 8 отсто на годишно ниво во март 2025 година.

Во другите европски земји како што се Литванија, Португалија, Чешка, Бугарија, Естонија и Полска, цените се зголемија повеќе од двојно во просек во последните девет години. Спротивно на тоа, во Финска, цените на недвижностите останаа речиси исти како и пред десет години, иако постојат големи разлики помеѓу руралните области и Хелсинки. 

foto Shutterstock/Andrey_Popov