ЦЕНИТЕ НА НАФТАТА СКОКААТ: Трговската војна ги тресе европските пазари
Европските берзи паднаа длабоко во црвено откако американскиот претседател Доналд Трамп ги вознемири инвеститорите со потпишување царини за Кина, Канада и Мексико минатиот викенд.
Тарифите за Мексико во меѓувреме се одложени за 30 дена.
Германскиот индекс DAX падна за два отсто на отворањето, додека францускиот берзански индекс CAC 40 падна за 1,9 отсто.
Шпанскиот IBEX падна за 1,7 отсто, а италијанскиот FTSE MIB загуби 1,4 отсто.
Наим Аслам, главен инвестициски директор во Zaji Capital Markets, вели дека инвеститорите се подготвуваат за зголемена несигурност во глобалната трговија и економската стабилност.
– Овие падови се поттикнати од нервозата на инвеститорите за поширокото влијание на царините врз глобалната економија, особено затоа што европските економии се силно испреплетени со американската трговска политика – објасни тој.
Ништо подобра не е ситуацијата „преку барата“ каде Вол Стрит се подготвува за драматичен пад на отворањето.
Dow Jones Industrial Average се очекува да падне за околу еден процент, додека „технолошкиот“ Nasdaq падна за 1,8 отсто на фјучерси пазарот.
Во меѓувреме, цените на нафтата скокнаа утринава бидејќи трговците очекуваат прекини во снабдувањето поради американските царини, вклучително и давачка од 10% за канадската нафта.
Цената на барел американска сурова нафта се зголеми за два отсто на 74 долари за барел, додека суровата нафта од типот Брент – меѓународниот репер – се зголеми за 1,2 отсто на 76,57 долари.
Доларот зајакна во понеделникот, туркајќи го неговиот канадски колега и мексиканскиот пезос на најниско ниво во последните неколку години. Еврото, исто така, го достигна најниското ниво во последните две години, а швајцарскиот франк – и покрај тоа што обично делува како безбедно засолниште – првично падна на најслабото ниво од мај, пишува РТ Балкан.
Паднаа и цените на криптовалутите – биткоинот на најниско ниво во последните три години.
Биткоинот, најголемата криптовалута во светот, го достигна најниското ниво во последните три недели, паѓајќи на 95.730 долари. Многу помалиот итриум изгуби речиси 25 проценти во вредност од петокот, што е негова најголема загуба за три дена од ноември 2022 година. Моментално е на 2.592 долари.
