Цената на Роналдо падна за пет милиони евра, еве колку вреди сега
TRANSFERMARKT ги објави новите вредности на играчите кои се натпреваруваат во првенството на Саудиска Арабија. Двајцата најскапи играчи во лигата се Талиска и Кристијано Роналдо по 15 милиони евра, но тоа наскоро ќе се промени кога во лигата ќе заигра и Карим Бензема.
Талиска постигна 20 гола на 23 натпревари за Ал-Наср и ја подигна неговата вредност, додека вредноста на неговиот соиграч и најголемата ѕвезда на тимот, Кристијано Роландо, падна за пет милиони евра на 15. Ако ги погледнете само играчите над 34 години, Роналдо е на петтото место. Прв е Лионел Меси (45 милиони евра), а шести Иван Перишиќ (10), кој е проценет на иста вредност како и седмиот Лука Модриќ.
Роналдо оваа сезона на 16 првенствени натпревари постигна 14 гола и двапати асистираше. Падот на вредноста се објаснува со неговата возраст (38) и настапите во лига со помалку барања. Бензема е проценет на 35 милиони евра.
