Целосна блокада на границите: Превозниците од Балканот со заеднички протест во понеделник против новите шенген правила
Од понеделник на пладне, сите гранични премини во земјава и регионот ќе бидат под целосна блокада за товарниот сообраќај.
Камионските превозници од Македонија, Србија, Босна и Херцеговина и Црна Гора ќе го стопираат транзитот кон Европската Унија, во знак на револт против новиот систем за влез и излез (EES) на ЕУ.
Протестот е насочен против новите правила за пресметување на деновите за престој на возачите во Шенген зоната. Според превозниците, овие регулативи ќе предизвикаат:
Блокадата ќе се однесува исклучиво на товарните возила, додека патничките автобуси и автомобили ќе можат непречено да циркулираат.
Поддршка за барањата на превозниците пристигна и од Стопанската комора. Претседателот Бранко Азески оцени дека новите правила не носат никакво подобрување за ЕУ, туку само сериозни штети за домашниот бизнис сектор.
„Странските инвеститори веќе реагираат до претставништвото на ЕУ. Испративме писмо до Европската комисија, а најавена е и посета на премиерот во Брисел за директно решавање на овој проблем“, изјави Азески.
Иако ЕУ инсистира на поединечни преговори со секоја земја, што според Комората ја намалува транспарентноста на процесот, очекувањата се дека силниот притисок од целиот регион на крајот ќе изнуди повлекување на одлуката.
