Бугарија не може да постави нови услови додека траат преговорите, тврди Османи
За министерот Бујар Османи резолуцијата во Бундестагот Османи е само симболична потврда на тоа што формално е гарантирано во преговарачката рамка за македонскиот идентитет и според него, нема потреба од било какви резолуции, посебно не откако се потпиша договорот со Фронтекс.
– Да се заблагодарам на сите сите партии во Бундестагот за иницијативата. Германија е еден од најсилните и најконзистентите поддржувачи на Македонија, а овие резолуции се само симболична потврда на тоа што формално го има во преговарачката рамка. Инаку и без тие резолуции идентитетот во ЕУ е загарантиран и како стануваме членка тој само се провомовира се повеќе и повеќе.
После потпишување на Фронтекс нема потреба од резолуции, но опозицијата ја злоупотребува темата и ги плаши граѓаните, дури одбиваше да изгласа за да не ги потсетиме. После Фронтекс не треба никаква резолуција, опозицијата сами ги плаши граѓаните во услови кога тоа прашање е решено еднаш засекогаш – додаде тој.
Министерот за надворешни работи Бујар Османи тврди дека Бугарија нема да поставува нови услови во текот на преговорите и дека нејзините барање се вметнати преговарачката рамка, па побара оваа тема да се затвори во јавноста.
– Бугарија не може да постави нови услови затоа што се што има е во преговарачката рамка. Затворена е рамката и во неа има три патокази, а во едниот од нив има акциски план за малцинства и тоа е единствениот услов кој е влезен во бенчмарковите за отварање на поглавјата.
Се разбира дека договорите со Грција и со Бугарија се во рамката во делот каде што добрососедските односи се проценуваат, но во патоказите е само акцискиот план. Ние се надеваме дека со Бугарија ќе изградиме односи каде што добрата волја ќе го води процесот и дека нема двете страни да бидеме со калкулатор во рака кој што сработил – истакна министерот.
