Будва: Туристка од Кувајт облечена во хиџаб била нападната со алкохол

Австрискиот државјанин, со српско потекло, Н.Р.(18) од Виена со одлука на Судот за прекршоци во Будва е казнет со 250 евра поради недолично однесување кон туристи од Кувајт. Ова неофицијално го потврдија денеска за „Вијести“.

Будванската полиција поднесе прекршочна пријава против Австриецот, откако турист од Кувајт го пријавил инцидентот.

Имено, како што соопшти „Вијести“, туристот во полиција изјавил дека со членовите на семејството – сопругата и децата, додека бил на тротоар околу 20 часот и 30 минути на улицата 22. Ноември во центарот на градот, од балконот над нив била истурена течност за која било утврдено дека е алкохол.

Тоа многу го налутило туристот, бидејќи неговата сопруга била облечена традиционално и носела хиџаб, а тоа за него било верска провокација, имајќи предвид дека некој ги полил со алкохол.

Полицијата веднаш утврдила дека се работи за Австриец кој штотуку станал полнолетен о бил приведен. По рочиштето, тој е обвинет за прекршок од член 7 став 2 од Законот за јавен ред и мир, поради неговото дрско и несовесно однесување на јавно место.