БРОЈОТ НА РАБОТНИЦИТЕ ВО ИНДУСТРИЈАТА БЛАГО ПОРАСНАЛ – еве во кој сектор има најмногу новоангажирани
Благ пораст на бројот на индустриски работици регистрирал Државниот завод за статистика. Според последното нивно соопштение, бројот на работниците во мај годинава е зголемен за 1,5 проценти во споредба со истиот месец 2023 година.
Притоа како што покажува соопштението, најголемиот раст на работници е во рударството, по што следи преработувачката индустирја.
– Бројот на работниците во секторот Рударство и вадење на камен во мај 2024 година, во однос на мај 2023 година,
бележи пораст од 4,1 отсто, во секторот Преработувачка индустрија пораст од 1,4 проценти и во секторот Снабдување со
електрична енергија, гас, пареа и климатизација пораст од 0,6 отсто – се наведува во соопштението на ДЗС.
Од друга страна, статистичарите укажуваат дека според главните индустриски групи, бројот на работниците во индустријата во мај 2024 година, во однос на мај
2023 година, бележи пораст кај Енергија за 4 отсто, Капитални производи за 17,1 процент и Tрајни производи за широка
потрошувачка за 14,6 отсто.
Оопаѓање пак има кај Интермедијарни производи, освен енергија за 7 отсто и Нетрајни
производи за широка потрошувачка за 5,5 проценти.
Бројот на работниците во индустријата во периодот јануари – мај 2024 година, во однос на периодот
јануари – мај2023 година, е зголемен за 1,8 отсто.
