Бритни Спирс руши рекорди: Во тоа пред неа успеа само принцот Хари
Американската поп ѕвезда има причина да биде среќна.
На крајот на октомври, Бритни Спирс ги објави своите долгоочекувани мемоари „Жената во мене“.
Иако нејзините мемоари предизвикаа бура уште пред нивното објавување, фановите, меѓу кои и бројни познати личности, едвај чекаа да добијат копија. Така, за само неколку дена книгата стана бестселер и се најде на врвот на листата на бестселери на Њујорк Тајмс.
„Благодарам на сите фанови, тоа ми значи многу! Ве сакам сите“, им порача Бритни на своите следбеници на социјалната мрежа Икс.
Сепак, она што е уште поимпресивно е што оваа книга е продадена во 1,1 милион примероци за нешто повеќе од една недела, што е неверојатна бројка. Така, нејзините мемоари станаа втората најпродавана книга на годината.
Првото место и понатаму го држи „The Reserve“, автобиографијата на принцот Хари, која беше објавена на почетокот на оваа година.
Бритни, да потсетиме, во своите мемоари открила детали за врската со Џастин Тимберлејк и дека останала бремена со него, но абортирала. Таа пишуваше и за бурната романса со Колин Фарел, но го пофали и сега веќе бившиот сопруг Сем Асгари.
