Божиновска од Пробиштип и Македонска Каменица: Рударите се ударни и клучни двигатели на домашната економија
Министерката за енергетика, рударство и минерални суровини,
Сања Божиновска, денеска присуствуваше на одбележувањето на Денот на рударите
во Пробиштип и во Македонска Каменица. Честитајќи им го нивниот празник , министерката се
осврна на значењето на работниците и на пристапот на Владата кон оваа стопанско-индустриска
гранка.
„Особено се радувам и почестена сум што денеска имам
можност, на најзначајниот ден за рударите, да
се сретнам, да се соочам и да се запознам
со ударните и клучни двигатели на една од најтешките и најризични
професии во светот. Фактот што за првпат во
Македонија е формирано министерство за енергетика, рударство и минерални
суровини, доволно говори за сериозноста со која Владата сака да пристапи кон
ефективно подобрување на условите во оваа дејност“,
нагласи Божиновска.
Инвестиции, се
потребни и нив во рударството треба да ги има. Но, важно е континуирано да се стремиме кон подобрување на условите за работа и
инсистираме на целосна примена на стандардите за заштита и здравје при работа.
Партнерството со приватниот сектор од индустријата е исклучително важно. Делење
на исти стратешки цели, при што позицијата на вработените, модернизацијата на
работните процеси и заштитата на животната средина ќе бидат приоритети кон сѐ што ќе работи ова министерство. Само на тој
начин ќе бидеме на сигурната страна дека се стремиме кон позитивни промени во
секоја смисла“, рече Божиновска.
