БОЖИНОВСКА: Ja поздравувам одлуката на РКЕ за минимално покачување на цената на електричната енергија
Министерката за енергетика, рударство и минерални суровини, Сања
Божиновска ја поздравува одлуката и одговорниот пристап на Регулаторната комисија за
енергетика, која како независно тело, донесе одлука за минимално, односно
незначително, покачување на цената на електричната енергија за домаќинствата.
Посебно е задоволна заради минималното покачување од 0,68 отсто за првиот блок на
потрошувачи, кои сочинуваат скоро 80 отсто од вкупниот број на домаќинства. Исто
така за поздравување е и тоа што просечно покачување е од незначителни 0,92 отсто на
цената на електричната енергија за домаќинствата.
„Оваа
одлука секако е резултат на посветената соработка помеѓу Министерството за
енергетика, рударство и минерални суровини, АД ЕСМ – најголемиот производител
на електрична енергија во државата, и останатите компании од енергетскиот
сектор. Со заеднички напори успеавме да обезбедиме стабилно снабдување со
електрична енергија и одржување на ценовната стабилност, дури и во услови на
глобални енергетски предизвици. На тој начин помагаме на животниот стандард на
граѓаните. Посветеноста
на АД ЕСМ кон ефикасното управување со ресурсите претставува клучен фактор за
овој успех. Во изминатиот период со сериозен и одговорен пристап значително ги
подобривме работните процеси во енергетските капацитите во насока на намалување
на трошоците, што има значаен допринос
кон одржување на ценовната стабилност, но и сигурност и стабилност на
енергетскиот систем на нашата земја. Наследивме неповолни договори од минатото,
големи долгови, неподготвени енергетски капацитети и други неповолни состојби
кои успешно ги решаваме“, вели Божиновска.
Како
Министерство, остануваат фокусирани на развој и имплементација на долгорочни
стратегии, како и зголемување на домашното производство на електрична енергија
што ќе придонесе за ценовна стабилност. Велат дека се среќни што првичните видливи резултати, граѓаните ќе ги почувствуваат.
