Босанци трагале по исчезнато девојче, ги нападнала мечка
Мечка нападнала спасувачи кои трагаат по загубено девојче во Босна и Херцеговина (БиХ).
Членови на Планинарската спасувачка служба Горњи Вакуф, ловџии и мештани втор ден трагаат по Е.Р.(15) која исчезна вчера во попладневните часови во областа Бистричка Рика. Како што објави локалниот портал GornjiVakuf.com, мечка ја нападнала групата, но нема повредени. Девојчето последен пат го виделе вчера околу 14:30 часот на патот Горњи Вакуф – Нови Травник, а претходно влегло во продавница од каде купило сок. Девојчето е со пречки во развојот. Портпаролот на Министерството за внатрешни работи на Централниот босански кантон Хасан Хоџиќ изјави дека полицијата е запознаена со исчезнувањето на девојчето и ги презема сите мерки за пронаоѓање.
Инаку, во 2021 година, мечка нападна жител на гостиварското село Бродец и го повреди.
