Борут Пахор продаде Рено 4 од 1991 за 60.000 евра
Поранешниот претседател на Словенија, Борут Пахор, го продаде своето Renault 4 за рекордни 60.000 евра, парите ги искористи за лекување на деца на кои им беше дијагностициран рак.
На крајот на јануари, Пахор на социјалните мрежи објави дека продава автомобил Renault 4 GTL од 1991 година за „добра цел“.
„Светскиот рекорд денеска падна.Најскапиот Renault 4 продаден во историјата. Највисоката продажна цена досега беше 50.600 евра. Денеска таа бројка достигна 60.000 евра“, напиша Пахор на социјалните мрежи.
„Денес е празник на културата за сите нас. Секоја чест. За децата кои се борат со ракот, а поради вашата добрина, празник на надежта. Ви благодарам. Мали херои, само напред“, напиша поранешниот претседател на Словенија и додаде:
„Честитки до понудувачот и до сите оние кои со најдобра намера се вклучени во оваа прекрасна кампања која допрва треба да го каже последниот збор. Парите целосно ќе ги посветиме на болните деца“.
Бизнисменот Александар Фратар ја дал најдобрата понуда на аукцијата, објавија словенечките медиуми.
„Нашата намера беше да им помогнеме на овие (деца) борци“, рече Фритар.
„Знаев дека ова нема да биде аукција за луѓе кои сакаат само добри автомобили, туку за луѓе со големо срце“, рече Пахор.
