Богојески го суспендирал Рамиз Мерко од ЕУ фондови!
Директорот на Националната агенција, Петар Богојески, ја активирал итната постапка за целосна суспензија на универзитетот кој се поврзува со струшкиот градоначалник Рамиз Мерко. Според извори блиски до процесот, станува збор за исклучување на институцијата од сите тековни и идни европски образовни програми.
Причината e поради сериозни индиции за нарушување на кредибилитетот на ЕУ проектите – од системска продажба на дипломи, преку нелегитимно запишување странски студенти, па сè до сомнителни финансиски трансакции поврзани со европски средства. Универзитетот веќе е предмет на неколку новинарски истражувања, а се спомнува и во контекст на организиран криминал.
Во дописот до Европската комисија, Богојески истакнал дека ваквата постапка е неопходна за да се заштити интегритетот на европските фондови и да се врати довербата кај македонските граѓани. Тој потврдил дека случајот е чувствителен, но неопходен.
Дополнително, медиумите пишуваат дека директорот побарал и поништување на акредитацијата што Универзитетот ја добил од ЕУ во минатото – што, според дипломатски извори, веќе предизвикало сериозни потреси во Европската комисија. Причината: институцијата на Мерко, кој инаку се наоѓа на црната листа на САД и се соочува со повеќе обвиненија, била наводно политички поддржана преку одредени канали во ЕУ.
Во моментов, Европската комисија сè уште официјално не се произнесла, но зад сцената, случајот веќе се нарекува „преседан на Балканот“ – прв пат една национална институција во земја-кандидат решава да ја прекине соработката со контроверзен субјект, дури и по цена на судир со европски бирократски интереси.
