БЛУМБЕРГ: Eкономијата на Германија е во блага рецесија
Според Блумберг, германската економија е во блага рецесија. Медиумиот пишува дека економијата е во стагнација.
Во третиот квартал годинава, германската економија благо се намали за 0,1 отсто, а на крајот на 2024 година нема да забележи раст, туку стагнација, се вели во прогнозата што ја објавија аналитичарите на Блумберг.
Доколку се остварат предвидувањата, тоа би значело дека државата по два последователни квартали со економски пад од 0,1 отсто, моментално е во техничка рецесија. Следната година се очекува Германија да има економски раст од 0,8 отсто.
Индустријата и понатаму е „Ахилова пета“ на Германија, коментира аналитичарот на Рабобанк, Ерик-Јан ван Харн. Проблемите на германската економија главно се должат на прекинот на испораките на енергија од Русија, разочарувачката извозна побарувачка од Кина, проблемите во автомобилската индустрија и недостатокот на квалификувани работници.
„Германија, исто така, би можела да ја заврши оваа година со економски пад“, изјави минатата недела претседателот на Бундесбанк, Јоаким Нагел.
Во екот на пандемијата на коронавирусот, Германија влезе во рецесија.
