БЛИЗНАЧКИ РОДЕНИ ВО РАЗЛИЧНА ГОДИНА: Едната во 2023 година, а другата во 2024
Додека многу граѓани го прославија влегувањето во Новата 2024 година со некаква забава, а одредени градови дури имаа и големи немири и уапсени граѓани, најслатката новогодишна приказна ни доаѓа од Далмација.
Во КБЦ Сплит се родија првите бебиња во Хрватска. Притоа, пар близнаци одлучија да ги почестат лекарите со необично искуство – такво што никогаш досега не го сретнале во кариерата.
Близнаците во сплитското породилиште се родени во различни години – постарото е родено во последните минути од 2023 година, а помалото во првата минута од Новата година и е првото бебе родено во 2024 година во Хрватска, пренесува Хина.
Шефот на Одделот за перинатологија, КБЦ Сплит, Дамир Рохе, изјави дека ова е необична ситуација во која девојките близначки ќе слават роденден во различни денови, месеци и години, наведувајќи дека се уште не доживеал таква ситуација во својата пракса, убедени дека е малку веројатно тој случај да се повтори.
Според податоците што ги објави државната телевизија (ХРТ), првите бебиња се родени на новогодишната ноќ во Задар, Риека и Осиек.
Фото: Принтскрин/Твитер
