БИЗНИСМЕНОТ АЗМАНОВ ПРОДОЛЖУВА ДА ПРОДАВА АКЦИИ НА „РЕПЛЕК“ – еве кои се најновите сопственички промени

Фармацевтската компанија Реплек вчера преку Берзата извести за промени во сопственоста.

„Постапувајќи согласно член 38 од Правилата за котација на Македонска берза АД Скопје, Реплек АД Скопје објавува дека акционер со над 5 отсто, Владимир Пецовски се стекна со 4 нови акции, со што поседува вкупно 16.410 или 6,33 отсто од вкупниот број на акции.

Акционер со над 5 отсто односно компанијата Настел ДООЕЛ продаде 241 акции, со што поседува вкупно 21.852 или 8,43 отсто од вкупниот број на акции“, известија вчера од компанијата.

Познатиот бизнисмен Азманов неодамна за Фактор ги објасни своите причини зошто ги продава акциите кои ги поседувал во неколку компании и банки во земјава.